News

Mesaz kondoleans pour fanmiy Joubert

Condolences

Mesaz kondoleans pour fanmiy Joubert

Wed, 25 November 2015

Prezidan Michel i’n anvoy en mesaz personnel Madanm Gemma Joubert, son zanfan ek manm zot fanmiy swivan lanmor Msye David Joubert, yer.

Prezidan i’n eksprim son sagren an aprenan lanmor Msye Joubert apre en long maladi. “Menm si David ek mwan nou ti annan diferan ideolozi politik nou ti annan gran respe pour kanmarad,” Prezidan Michel ti dir,  an azoutan ki plizyer lannen apre zot ti vin zanmi.

Dan son mesaz, Prezidan Michel ti osi salye kontribisyon Msye David Joubert koman premye minis Tourizm Sesel.

Prezidan Michel ti termin son mesaz an ekspriman son senser kondoleans ensi ki kondoleans e senpati Gouvernman a Madanm Gemma Joubert, son zanfan e tou manm son fanmiy.

View all news