33yenm edisyon Festival Kreol ti ofisyelman ouver yer swar anba tenm 'Fyer Nou Lidantite' pandan en seremoni kot Vilaz Kreol, Sant Konferans Enternasyonal, Victoria. 

Prezan pour sa seremoni ti Prezidan Larepiblik, Msye Danny Faure, Spiker Lasanble Nasyonal, Msye Nicholas Prea, Minis Designe, Madanm Macsuzy Mondon, bann minis ensi ki plizyer lezot envite distenge.    

Seremoni louvertir ti animen par diferan performans artistik swivi par lezot divertisman kot Vilaz Kreol e pti pe partou dan lavil kapital Sesel, Viktorya.

Vwar plis nou koleksyon portre souvernir sa seremoni atrever sitweb rezo sosyal Biro Prezidan lo Facebook: https://web.facebook.com/StateHouseSey/photos/pcb.1974767532591188/1974762235925051/?type=3&theater